從「老公」的角度睇「好公司」

(為支持「好公司」的朋友們打氣）

「宏利」本身一直很「專一」（專注發展保險事業），十分顧家，凡事以家庭（股東）利益著想。

可惜錯信壞朋友，連累「輸身家」。（因為宏利收購了美國某公司，而該公司的變額年金業務定價過於進取，累及「宏利」有會計上損失」）。

留意，損失只是「紙上」，但是他太「顧家」，過早同屋企「報定案」（以加拿大的會計準則先行「入賬」）
反而老婆唔識諗，一口咬定老公唔係去咗滾就係去咗賭曬D錢，要同佢「離婚」（拋售股份）。

又難怪既，她聽埋聽埋，太多「老公」（公司）「不忠」了，在出面「花天酒地」，難為D老婆晚晚唔見老公，在屋企喊到「豬頭」咁。到老公被「斷正」的時候，老公仲要「諸多辯駁」，到最後未能自圓其說，就話：
「男人」（公司）是這樣的了！你食我的，著我的（收股息），仲咁多'gee gut'?

可憐老婆們真的想離婚，但是都「一把年紀」了，離婚後又可以依靠誰？
又有咩男人靠得住？

講回「宏利」，老婆嚷著要離婚「不突止」，還做了女人最喜歡的事情
：「唱通街」，找「三姑六婆」（大行）「評理」（評級）

本來「三姑六婆」們對老公的印象不錯，無「把柄」揸手，一直都無咩「閒言閒語」，但今次佢地心諗：
你都有今日啦，仲唔俾我地揾到機會「唱衰」你？

一聲令下，老公遭「降級」，全民「抵制」

可憐老公「內外受敵」，還一心只是想屋企，俾自己目標：到2015年要賺多倍錢，等老婆仔女生活好過D。

這樣好的老公，去邊度揾？