居安思危

首先祝各位 新年進步 一本萬利！

觀察所得，國指破位，近日長倉既作手們賺到笑。
應該只是長期升勢既開始。

但是，短期而言，留意到個別股票有沽出訊號（跟據系統，買入位下7% 或者巨量「一日反轉」），
如華晨，青蛙王子，六福，創科等。
(註：創科很可能沒有「一日反轉」）

跟據系統，個別股票作個別考慮，所以小弟還是重倉（除了創科，止賺離場）。
但是多點留意市況，及其他股票「案例」，對訓練觸覺是很重要的。

話說回來，所以短期有可能轉勢，要 mentally flexible, 有需要就「轉軚」。

另，小弟決定不更新倉位資料了。
一來，倉位無甚特別，不獻醜；
最重要的是，看完darvas 書，有所領略：

-長期大勝不是成功「撈底」，而是在安全的位置買入等「爆上」，及適當時及時「逃生」
所以，短期倉位無亮點是正常的，亦免了更新，省卻不必要的煩惱

-真正成功的作手是遠離雜訊，真正獨立思考及分析

所以，我想再「抽離」少少，不與各位每日比較，而是得閒傾兩句計就算。
至於自己分析思考，亦會參考高人既意見，但是開始會真正有自己既看法。
另加一條：每月尾逐條買賣自我檢討。
賺固然ok（都要睇下係咪見到signal走，定係自己無端端早走左）,
蝕既點解蝕，要知道原因，及盡可能避免同類情況發生。

Darvas既書，似最無用（最少實際操作介紹），其實比livermore及o'neil更有用。
強烈推薦。

他以自己活生生既例子，真正道出了最大的敵人是自己：
自己既貪念，自己既恐懼，自己既絕望，自己既狂妄。。。。。。

我相信，我已經找到「股票作手」的最後一塊拼圖。

多謝大家！
得閒交流下！